काठमाडौं । अख्तियार दुरुपयोग अनुसन्धान आयोगले पर्साको छिपहरमाई गाउँपालिकामा बोलपत्र आह्वानसम्बन्धी झुट्टा सूचना प्रकाशित गरी सरकारी रकम दुरुपयोग गरेको ठहर गर्दै गाउँपालिका अध्यक्षसहित कर्मचारी र निर्माण व्यवसायीविरुद्ध विशेष अदालत काठमाडौंमा मुद्दा दायर गरेको छ।
बिज्ञापन
आर्थिक वर्ष २०७९–०८० मा विभिन्न निर्माण कार्यका लागि राष्ट्रियस्तरको दैनिक पत्रिकामा सूचना प्रकाशित गरेको देखाएर भुक्तानी गरिएको भए पनि ती मितिमा सूचना नछापिएको पुष्टि भएको आयोगले जनाएको छ।
बिज्ञापन
अनुसन्धानअनुसार गाउँपालिका अध्यक्ष मनोज कुमार, तत्कालीन प्रमुख प्रशासकीय अधिकृत सिकिन्द्रप्रसाद साह, लेखापाल संजय पटेल र विज्ञापन एजेन्सी केएस मल्टिपर्पोज प्रालिका सञ्चालक कमलकुमार उपाध्यायको मिलेमतोमा योजनाबद्ध रूपमा झुट्टा सूचना देखाई दुई पटकमा जम्मा ४ लाख २९ हजार ४ सय रुपैयाँ भुक्तानी गरिएको ठहर छ।
खानेपानी ट्युबवेल, स्टेडियम, चार कोठे भवन र दलित आवास निर्माणका ठेक्कामा सो अनियमितता भएको र प्रेस काउन्सिल नेपालबाट प्रमाणित प्रतिमा सूचना नदेखिएको आयोगले जनाएको छ। आयोगले भ्रष्टाचार निवारण ऐन, २०५९ अनुसार कैद, जरिवाना र बिगो असुलसहित कडा सजाय मागदाबी गरेको छ।
बिज्ञापन
